Бүгүн, 9-майда Ат-Башы районундагы Ача-Кайыңды айылынын тургундары коронавируска байланыштуу нааразычылык акциясына чыгышты. Бул тууралуу Sputnik Кыргызстан агенттиги жергиликтүү тургундарга шилтеме берип кабарлады.
Жашоочулардын айтымдарында, коюлган блокпосттор чарба
иштерин бүтүрүүгө тоскоолдук жаратууда.
"Айылдагылардын нааразы болгону — коронавирус эмнегедир биздин айылдан эле чыгып жатат. Коронавирус табылган адам менен байланышта болгон-болбогондун баарынан анализ алып, ооруканага жаткырышууда. Блокпосттор да алынбай айыл чарба иштерине тоскоолдук жаратууда", — деди атын атоодон баш тарткан айыл тургуну.
Ача-Кайыңдыда эл чогулуп, жыйналыш өткөнүн Ат-Башы районунун акими Нурбек Сатаров тастыктап, нааразы болгон тургундар менен жолукканын билдирди.
Анын айтымында, нааразычылык акциясына 50-60тай киши чогулган, бирок жыйналыш көпкө созулган эмес, элге түшүндүрүү иштери жүргүзүлгөндөн кийин тарап кетишкен.
Пикирлер (0)
Пикир жок. Сиз биринчилерден болушуңуз мүмкүн