Түштүк-Чыгыш Азия мамлекеттеринин Ассоциациясынын (АСЕАН) 36-саммити 26-июнда онлайн-видеоконференция форматында өтөт деп маалымдады Синьхуа агенттиги.
2020-жылга АСЕАНга төрагалык кылуучу Вьетнамдын премьер-министри Нгуен Суан Фук саммитти өзү ачып, анын пленардык отурумдарына жана атайын сессияларына да жетекчилик кылат.
Саммиттин алдында ага даярдык көрүү боюнча кеңешмелер, алардын ичинде АСЕАН өлкөлөрүнүн тышкы иштер министрлеринин бейформал жолугушуулары 22-июндан 24-июнга чейин өтөт.
Эске салсак, бул саммит апрель айына белгиленген, бирок коронавирус пандемиясына байланыштуу июндун аягына жылдырылган деп айтылат агенттиктин маалыматында.
Пикирлер (0)
Пикир жок. Сиз биринчилерден болушуңуз мүмкүн