Кыргыз-түрк өкмөттөр аралык соода-экономикалык кызматташтык боюнча комиссиясынын 10-жыйынынын алкагында 10-сентябрда «Sheraton Bishkek» отелинде түрк жана ата мекендик компаниялардын катышуусу менен кыргыз-түрк бизнес-форуму өтөт.
Аталган иш-чара КР Инвестициялар министрлиги жана Түркиянын тышкы экономикалык байланыштар кеңеши тарабынан уюштурулууда. Бизнес-форумга түрк тараптан экономиканын түрдүү тармагынан 50 компаниянын катышуусу күтүлүүдө.
Бул иш-чаранын жүрүшүндө ата мекендик компаниялар Түркиянын мүмкүнчүлүктүү бизнес өнөктөштөрү менен сүйлөшүүлөрдү жүргүзүп, андан аркы ишкердик кызматташтыкты түзө алышат.
“Иш-чарага катышууну каалаган бардык ата мекендик компаниялар министрликке төмөнкү номер боюнча катталышса болот: 0312 300 232 же WhatsApp 0772 710 333”,- деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн